شوفوا بقه

by Mohamed Elrouhy  on Wednesday, June 1, 2011 at 12:20pm ·

شوفوا

الثوره لا قامت عشان كامليا و لا عبير و لا قامت عشان مسلم ومسيحي ولا قامت لما الكنيسه انفجرت ولا لما الجوامع اتقفلت

الثوره قامت عشاني انا

انا الي مش لاقي خضار مش مسرطن

انا الي مش عارف اجيب انبوبة بوتجاز

انا الي مش عارف ادفع مصاريف المدارس

انا الي مش ملاحق ادفع دروس خصوصيه ولا ادفع لامين شرطه في أشاره و لا ردار على الطريق و لا لاي موظف يرد لي سلام و لا لمهندس في حي ولا لتملرجي في مستشفى ولا ضريبه عقاريه ولا ضريبة دخل ولا ضريبة مبيعات

انا الي بتهان في الاقسام

انا الي من ديوني ما بنام

لو انا محستش اني قادر أعيش محترم في البلد دي

يبقى لا ثوره ليها لازمه

ولا دستور ليه لازمه

ولا أحزاب ليها لازمه

ولا رئيس جمهوريه ليه لازمه

انا محمد و ميشيل و أحمد و بيشوي و محمود و بيتر