+(1).jpg)
يا بلدي مالك كده عنيكي مكسوره
حاسه بخيبة الأمل و بثوره مقبوره ؟
عاوز اقولك حاجه شايفها في الصوره
شايفك عروسه . طرحتها منشوره
حواليها الف عريس رقابهم مبتوره
و الصوره فيها غراب و بومه مغروره
طالقين عليكي كلاب جعانه مسعوره
و فران في كل مكان بيشدو فستانك
و كمان فيها تعبان لافف على جنابك
الصوره فيها عريس واقف على بابك
مقفول عليه متاريس حطنها خطابك
أقسمت بالله يا بلدي اموت فدا ترابك
و اعادي من يعاديكي و أحب أحبابك
و أياكي يوم ترجعي لحضن غربانك
المولي يحميكي بشيوخك و رهبانك
بقلم
محمد الروحي
14 - 10 - 2011
ليست هناك تعليقات:
إرسال تعليق