يا بلدنا يا حبيبه فيكي حاجه محيراني

يا بلدنا يا حبيبه فيكي حاجه محيراني
نولد الولد بصعوبه من أم عانت و بتعاني
نحلمه حلم الرجوله و يخنقه الحلم و لا نبالي
نعيشه نهاره في بطوله و تخونوا عيون الليالي
نكبره طوبه فوق طوبه و تهده أدينا في ثواني
يا بلدنا يا حبيبه فيكي حاجه محيراني
نزرع القمح بصعوبه تطلع الكوسه في ثواني
و الزرع يكبر في غير أرضه . و الطرح يبقى لأب تاني 

محمد الروحي
15 / 7 / 1998

بحثت عنك في كل النساء

بحثت عنك في كل النساء

و ظننتك مستحيلا و لكن الله شاء

يا أمرأة أحتوتني بعين خاصمها البكاء

و رأيت الحسن فيكي خلق كريم بكبرياء

حسناء الوجه بهية و اسمها اسماء 

اسجدتني لله شكرا و رفعت كفي للسماء

سبحانك اللهم ربي صاحب الفضل و العطاء

محمد الروحي
مايو 2015

Mohamed ELrouhy: عادي

Mohamed ELrouhy: عادي: عادي كل شيئ في بلادي ... عادي نزلت بهيه تنادي عاشت بلادي قتلوا الصبيه و عاشوا الأعادي عادي قالوا قاتلها هو...

عادي

عادي

كل شيئ في بلادي ... عادي

نزلت بهيه تنادي عاشت بلادي

قتلوا الصبيه و عاشوا الأعادي

عادي

قالوا قاتلها هو الي شالها

قالوا قاتلها و لا عمره شافها

قالوا دي خاينه و بنت ستين كلب

قالوا دي واحده عاشت حياتها في غلب

عادي

هو أحنا لسه شعب جميل و أصيل ؟

هو احنا لسه بنشرب كلنا من النيل ؟

طب ليه قلوبنا على بعض صبحت حجر ؟

طب ليه طيبتنا ماتت و بقينا زي الغجر ؟

عادي ؟

محمد الروحي

29 / 1 / 2015